إيه رأيكم نتكلم عن الجمارك شويه؟🛃 

 

لاقينا إنه ناس كتير متعرفش عن القسم ده، فقررنا نساعدكوا عشان تاخد قرار التخصص صح.😉 

 

🔹️تعالي نبدأ ب إيه هي الجمارك؟ 

 

▪︎الجمارك (customs): هي رسوم الاستيراد بمعني تاني هي فلوس او الضريبة إللي الحكومة بتاخدها علي السلع الداخلة للبلد، وهي طريقة لتنظيم دخول السلع والمنتجات دي. 

 

🔸️معلومة مهمه عن الجمارك: الجمارك زي الضرايب بتدخل دخل ثابت للدولة. 

 

🔹️ قسم جمارك في كلية تجارة: 

 

▪︎قسم الجمارك هو قسم جديد فاتح في كلية تجارة في جامعات زي (جامعة اسكندريه - جامعة عين شمس - جامعة الزقازيق)

 

🔹️زي ما مهم نعرف يعني إيه جمارك وفين نقدر ندرسها، كمان مهم نعرف الشغل عنها. 

 

▪︎تقدر بعد ما تتخرج تشتغل في كذا مكان زي: 

 

- مصلحة الجمارك المصرية 

 

- الشركات المعنية بنشاط الاستيراد والتصدير.

 

🔹️طب والفلوس💰 

 

طبعا مش ناسيين أهم حاجة في الشغل وهي الفلوس، وحسب التقارير وسلم الأجور ل أخصائي الجمارك في القاهرة: 

 

- الحد الأدنى للأجور شهريا: 3420 جنيه. 

 

- متوسط الأجور شهريا: 6060 جنيه. 

 

- الحد الأعلى للأجور شهريا: 9800 جنيه. 

 

بحيث إن: 

• 75% من الموظفين رواتبهم 7460 او أقل جنيه شهريا. 

• 50% من الموظفين بياخدوا 6060 او أقل جنيه شهريا. 

• 25% من الموظفين بياخدوا 4270 او أقل جنيه شهريا.

 

وبكده تكون عرفت معظم المعلومات إللي ممكن تهمك عن قسم الجمارك، وكده نكون مش حارمينك من حاجة يا سيدي.😂 

 

اعمل منشن بقي لصحابك في الكومنتات وشاركه المعلومات دي عن الجمارك.⬇️